Shkollat në Shkodër në këtë fillim të sezonit të ri kanë patur probleme sa i përket kushteve higjeno-sanitare por Inspektoriati Shtetëror Shëndetësor nuk e ka parë të arsyeshme që t’i mbyll ato pas disa ndërhyrjeve që ka bërë bashkia Shkodër.
Një gjë të tillë e thotë kryeinspektorja e Inspektoriatit Shëndetësor në Shkodër Arsida Tyli.
Kryeinspektorja Tyli shprehet se pavarësisht ndërhyrjeve nga bashkia sërish pritet që të ketë përmirësime në ato shkolla ku ende ka probleme.
Para nisjes së sezonit shkollor bashkia Shkodër bëri të ditur investimet në disa prej shkollave problematike ndërkohë që ende disa godina të ndryshme janë me probleme.
