Më shumë se 130 persona kanë humbur jetën në Filipine si pasojë e një stuhie tropikale që goditi jugun e vendit, duke shkaktuar përmbytje masive. Disa dhjetëra të tjerë raportohen të humbur nga autoritetet vendase.
Më i godituri është ishulli i Mindanaos ku rrëshqitjet e dherave dhe përmbytjet kanë lënë në qiell të hapur mbi 15 mijë persona, banesat e të cilëve janë shkatërruar plotësisht. Ekipet e emergjencave kaluan gjithë natën në operacionet e shpëtimit, por ndërprerja e energjisë dhe e linjave të komunikimit vështirëson më shumë gjetjen e personave të bllokuar nën rrënoja. Filipinet goditen shpesh nga stuhitë tropikale që shkaktojnë viktima.
Rreth 20 stuhi përshkojnë vendin ishullor çdo vit në sezonin e shirave, që zakonisht fillon që në muajin maj e përfundon në dhjetor
