“3 pikë do të na gëzonin shumë ndërsa edhe barazimi do ishte një rezultat pozitiv në Kukës”.
Kështu shprehet mesfushori i Vllaznisë Florind Bardulla në prag të transfertës së kuqebluve me kuksianët. Vllaznia ndodhet në pozita komode sepse është 4 pikë larg dy ndjekësve Bylis dhe Flamurtari por sidoqoftë, Bardulla thotë se skuadra shkodrane do të luftojë deri në fund të kampionatit. Kukësi-Vllaznia është një sfidë e rëndësishme sepse kuksianët kërkojnë kupat e europës ndërsa shkodranët kanë synim që të sigurojnë mbijetesën sepse matematikisht lufta është ende e hapur.
