Vllaznia taekwondo e ka mbyllur në mënyrën më të mirë të mundshme këtë vit kalendarik. Kështu, në aktivitetin e rradhës, atë të kampionatit kombëtar të Arteve Marciale Mikse, ekipi i Vllaznisë mori pjesë me dy sportistët Hysen Karmeshtna dhe Alfred Koçi, të cilët që të dy u shpallën kampionë në peshat e tyre. Trajneri i Vllaznia taekwondo, Elion Puka, shprehet i kënaqur me sukseset e arritura në mbyllje të këtij viti.
Ai foli edhe për afrimin e një sportisti shqiptar nga Mali i Zi, pikërisht për Alfred Koçin, që u shpall kampion madje në kampionatin kombëtar të Arteve Marciale Mikse.
Puka flet edhe për objektivat e vitit të ardhshëm, teksa tha se shpreson që të ketë edhe ndihmën e Bashkisë Shkodër.
Vllaznia në taekwondo, me në krye trajnerin e saj Elion Puka, synon që vitin e ardhshëm të ketë suksese edhe më të mëdha se vitin që po lëmë pas.
