Volejbollistet e reja të Vllaznisë kanë pritur me lule ekipin e Teutës si një shenjë solidarizimi dhe mbështetje pas asaj katastrofe që shkaktoi tërmeti i 26 nëntorit.
Disa lule të dhuruara përpara ndeshjes së kampionatit janë një mesazh i fortë se jeta vazhdon e një shpresë se Durrësi, gjitha zonat e prekura nga tërmeti dhe e gjithë Shqipëria do të përjetojnë ditë më të bukura.
Trajnerja e të rejave të Teutës Romina Matoshi përmes emocionesh tregon se vajzat durrsake të skuadrës së saj u përlotën nga dhurimi i luleve nga vajzat shkodrane përpara fillimit të kësaj sfide.
Trajneri i Vllaznisë për të reja në volejboll Besnik Lisha shprehet se dhurimi i luleve emocionoi të gjithë.
Drejtori i “Sport Klub Vllaznia” Mark Kroqi thotë se sporti bashkon, aq më tepër në momente të vështira të cilat i përjtoi Durrësi dhe zonat e tjera të prekura nga tërmeti.
Kjo është hera e dytë që volejbollistet e Vllaznisë solidarizohen me të prekurit nga tërmeti, kësaj here zgjodhën gjestin sublim të dhurimit të luleve.