Vrasje në Frauenfeld të Zvicrës! Mbrëmjen e së martës, në rrugën “Talackerstrasse” të Frauendfeldit ka ndodhur një krim i dhunshëm: Një grua kishte zbuluar kufomën e një gruaje të vdekur në banesën fqinje.
Që atëherë, gjurmët e një personi u humbën, ndërsa policia po e kërkonte me një kontigjent të madh nëpër të gjithë Zvicrën. Bëhet fjalë për Fatmir T, 19 vjeç.. Sipas gazetës “Blick” ai ishte duke vijuar një praktikë mësimi në rajon.
Më pas, të mërkurën në mëngjes informata: Një 19-vjeçar i dyshuar është kapur. Policia zvicerane ka kapur shtetasin italian, në kantonin e Cyrihut. “Njeriu u arrestua në Kloten në zonën e aeroportit”, konfirmon Matthias Graf, zëdhënës i Policisë së Thurgaut, informon Albinfo.ch. Mbetet e paqartë nëse i dyshuari ka dashur të largohej nga vendi.
Banorja Trudi Widmer, 87 vjeçe, është dashur ta dëgjojë gjithë dramën gjatë vrasjes në Talackerstrasse. Edhe një ditë pas rastit, ajo ende është mjaft e tronditur. “Nuk më hiqen nga mendja britmat e zhurmshme në shkallë.
Në tmerrin dhe panikun që ndjehej në zërin e anëtarëve të familjes. Dhe pastaj djali i vogël, ndoshta anëtari më i ri i familjes, i cili ishte ulur në dhomën e ndenjës pranë fqinjit tim”, thotë Widmer.
Ai ka parë gjithçka. “Unë me të vërtetë jam tronditur”. Më shumë se një jetë ishte shkatërruar këtë mbrëmje. “Cili fëmijë mund të përballojë një pamje të tillë?”
Në shkallët e ndërtesës, martën ajo ka dëgjuar britmat e personave.
“Në një gjuhë që nuk e kuptoja,” vazhdon Widmer. Gruaja e vrarë duhet të ketë qenë nënë, por ende nuk është konfirmuar.
I dyshuari i menjëhershëm, Fatmir T. që javën e kaluar kishte shkaktuar probleme. Kjo është konfirmuar nga vendi i praktikës së tij në Aadorf. Atje, elektricisti i ardhshëm kishte marrë një armë me vete, që kishte shkaktuar ankth të madh në vendin e punës.
Prandaj, policia kantonale e Thurgaut u mobilizua dhe ia konfiskoi armën. Kjo është konfirmuar nga zëdhënësi i policisë, Matthias Graf.
Pra, Fatmiri ishte i njohur për policinë. Si ka mundur të shkaktohet akti i tmerrshëm i së martës? Graf thekson: “Gjatë intervenimit të javës së kaluar nuk kishte asnjë arsye për paraburgim, pasi i dyshuari nuk kishte kërcënuar askënd”.
