Ndërron jetë në Spitalin e Traumës 23-vjeçari Aldison Belulaj. Lajmi konfirmohet nga burime pranë këtij spitali ku i riu ndodhej në gjendje kome të pakthyeshme prej një jave.
Sipas të njëjtave burime, i riu ka ndërruar jetë pasditen e së shtunës në Reanimacionin e Spitalit të Traumës, por njoftimi është bërë vetëm pasditen e sotme, 28 janar 2018. Sipas mjekëve, plumbi me të cilin ai qëlloi veten në kokë e dëmtoi rëndë.
Aldison Belulaj tronditi mbarë opinionin shqiptar të dielën e 21 janarit 2018 kur qëlloi për vdekje në mes të rrugës në Tiranë Ariela Muratin, vajzën që dashuronte, dhe më pas plagosi edhe veten.
