Vritet me plumb pas kokë gjykatësi i El Chapo
Ekzekutohet një gjykatës, që po hetonte disa prej trafikantëve të drogës më të rrezikshëm në botë, mes tyre dhe El Chapo-n e famshëm. Vicente Antonio Bermudez Zacarias 37 vjeç po bënte vrap pranë shtëpisë së tij në Meksikë, kur iu zu pritë nga dy persona. Një prej tyre iu afrua dhe e vrau me plumb pas koke. Gjykatësi vdiq në spital nga plagët. Zacarias po merrej me çështjen e Joaquin Guzman, i njohur si El Chapo. Ai pezulloi dhe ekstradimin e tij në SHBA. El Chapo njihet si trafikanti më i madh i drogës në botë. Guzman ka qenë lideri i kartelit të rogës Sinaloa i cili furnizonte SHBA-të ilegalisht me drogë. Ai i rikap nga policia në vitin 2014 dhe u paraqit si një fitore e madhe e qeverisë meksikane, por burgimi i tij nuk zgjati më shumë se disa muaj sepse ai u arratis për t’u rihapur sërish. Guzman kishte arritur të arratisej edhe në vitin 2001 nga një burg i sigurisë së lartë në Meksikë duke u fshehur në një kosh lavanterie. Ai ishte duke vuajtur dënimin prej 20 vjetësh pasi u arrestua në 1993 në Guatemala. Guzman themeloi kartelin e drogës të quajtur Sinaloa dhe brenda pak vitesh u bë një ndër kartelet më të mëdhenj në Meksikë në vitet ’80. Vlerësohet që Guzman të ketë një pasuri prej mbi një miliard dollarësh.
