Rreth 120 turistë janë evakuuar nga një hotel në ishullin Zakynthos në Greqi, si pasojë e një zjarri të madh.
Turistët e evakuuar u dërguan me autobus në një hotel tjetër, në vendpushimin e afërt të Kalamaki.
Po ashtu autoritetet kanë evakuuar edhe disa shtëpi në fshatin Keri, në pjesën jugore të ishullit. Ndërkohë, ka shumë banorë kryesisht të moshuar, të cilët refuzojnë të largohen nga shtëpitë e tyre.
Policia ka bllokuar hyrjen në dy fshatra dhe po informon banorët për evakuimin e shtëpive të tyre.
