Policia e Kurbinit ka vënë në pranga një person të shpallur në kërkim.Operacioni ” Mamurrasi” arrestoi Emiljan Lleshaj, 22 vjeç, banues në Mamurras ( i dënuar disa herë më parë për vepra të ndryshme penale)
I riu ishte në kërkim për një ngjarje të regjistruar me 7 korrik në Mamurras. Lleshaj kishte qëlluar me armë zjarri në ajër në qendër të qytetit si dhe nuk i është bindur punonjësve të policisë.
“Ky shtetas, ishte i shpallur në kërkim nga Komisariati i Policisë Kurbin, për veprat penale ” Mbajtje pa leje dhe prodhim i armëve shpërthyese e municionit” “Prishje e rendit dhe qetësisë publike”
“Mosbindja ndaj urdhërit të punonjësit të policisë së rendit publik”, më datë 07.07.2018, në qytet Mamurras, duke lëvizur me mjetin e tij tip Audi, ka qëlluar në ajër me armë zjarri si dhe është larguar duke mos u bindur punonjësve të policisë” sqaron policia.
Gjithashtu, për këtë shtetas, Gjykata e Rrethit Gjyqësor Kurbin, me vendimin datë 25.07.2018, ka caktuar masën e sigurisë “Arrest më burg”. Materialet procedurale i kaluan Prokurorisë pranë Gjykatës së Rrethit Gjyqësor Kurbin.
