Incidenti ndodhi në Yonge Street dhe Finch Avenue në orën 13.30 sipas orës lokale.
Pamjet nga vendi i ngjarjes tregonin policë të armatosur dhe skuadrat e emergjencave që ndihmonin njerëzit e lënduar. Një qese portokalli që dukej se mbulonte një trup, shihej po ashtu në një prej ambulancave. Sipas mediave lokale, të paktën katër persona nuk japin shenja jete.
Nuk është ende e qartë nëse bëhet fjalë për një akt të qëllimshëm apo për një incident. Mediat kanadeze shkruajnë se furgoni ishte i marrë me qera dhe citojnë dëshmitarë që tregojnë se ai ishte ngjitur qëllimisht mbi trotuar duke ndjekur këmbësorët.
Këto ditë, pikërisht në Toronto zhvillohet takimi i ministrave të jashtëm të G7-ës, por policia kanadeze thotë se për momentin, nuk përjashtohet asnjë pistë. Kryeministri kanadez, Justin Trudeau, tha ndërkohë para gazetarëve se po ndiqte nga afër situatën.
