Një aksident me pasojë vdekjen e një 74-vjeçari ka ndodhur në qytetin e Krumës mbrëmjen e kësaj të premte.
Ngjarja ka ndodhur pranë spitalit të këtij qyteti ku A.A 30-vjeç i cili drejtonte një automjet tip “Range Rover” me targa AA 004 EH ka përplasur për vdekje R.D 74-vjeç.
Sipas informacione përplasja ka qenë e fortë pasi i moshuari ka gjetur vdekjen e menjëhershme. Shkak për aksidentin mendohet të ketë qenë shpejtësia e lartë me të cilën lëvizte “Range Rover”.
Njoftimi i policisë Has.
Informacion paraprak.
Më datë 01.02.2019, në qytetin e Krumës, poshtë spitalit, shtetasi A.A., banues në Zahrisht, Has, duke drejtuar mjetin tip “Rangrover”, ka aksidentuar shtetasin R.D., vjeç 74, banues në Krumë.
I aksidentuari është transportuar në Spitalin e Kukësit, ku gjatës rrugës ka gjetur vdekjen.
Drejtuesi i mjetit shtetasi A.A., është shoqëruar në Komisariatin e Policisë Has, për veprime të mëtejshme proceduriale, si dhe grupi hetimor po punon për dokumentimin e ngjarjes.
