Pasi ka vizituar qytetin e Shkodrës duke mbërritur menjehere në banesën e saj ne Shkodër, Arta Marku ka marrë gjatë kësaj të marte zyrtarisht detyrën. Ajo është nisur nga shkodra në orët e para të mengjesit të sotëm me eskortën që e ka shoqeruar gjatë gjithë qendrimit të saj në Shkodër. Kryeprokurorja e re, Arta Marku, është nisur rreth orës 8 e 30 nga Shkodra duke iu drejtuar kryqytetit, ku ka marrë edhe “celesat” e prokurorisë së përgjithshme.
Një ditë pasi u zgjodh kryeprokurore e përgjithshme e përkohshme, Arta Marku ka nisur zyrtarisht detyrën. Arta Marku u zgjodh dje nga mazhoranca Kryeprokurore e Përkohshme me 69 vota pro, 2 kundër dhe 2 abstenim, mes protestave me tymuese dhe përplasje fizike të deputetëve të opozitës. Ajo do të ketë një mandat të përkohshëm deri në plotësimin e KLP-së, organit të ri të Reformës në Drejtësi që do të zgjedhë prokurorin e ri të vendit pas ndryshimeve kushtetuese.
Familja e Zonjës Marku banon në një apartament në lagjen Isa Boletini në Shkodër. Ajo ka dy vajza, një prej të cilave ka ardhur në jetë vetëm pak kohë më parë.
