Autoriteti Kombëtar i Ushqimit ka bllokuar dhe gjobitur me 2.65 milion lekë 4 subjekte në Tiranë dhe Korçë, pasi tregtonin produkte të skaduara.
Nga kontrolli i ushtruar në subjektin “E&T shpk” në Tiranë u konstatuan dhe bllokuan 3.6 ton biskota të skaduara.
Ndërsa nga kontrolli i ushtruar në subjektin “Kujtim Hajzo” në Korçë u konstatua se nuk dispononte sistemin e gjurmueshmërisë si dhe u evidentuan një sërë produktesh të cilat ishin të paetiketuara në gjuhën shqipe (çokollata, biskota, vafer etj).
Po ashtu nga kontrolli i ushtruar në subjektet “Kostana shpk” dhe“Niko Male” në Korçë u konstatua se nuk dispononin sistemin e gjurmueshmërisë për disa produkte.
