Cristiano Ronaldo është shpallur futbollisti më i mirë i vitit nga FIFA në një mbrëmje gala në Londër që mblodhi bashkë personalitetet më të njohur të këtij sporti. Portugezi u vlerësua për arritjet me skuadrën e Reali Madrid, , nën buzëqeshjen e Lionel Messi dhe Neymar, dy finalistët të tjerë Ronaldo mori në duar trofeun prestigjioz.
Zinedine Zidan u shpall trajneri më i mirë i vitit në një garë ku mundi Antonio Conten të Chelsea dhe Allegrin e Juventusit. Zidan u bë trajneri i parë që drejton një klub në fitoren e dytë radhazi në Ligën e Kampioneve, sukses që i dha edhe trofeun e FIFA-s. në këtë mbrëmje gala vend pati në podium për tu nderuar edhe Buffon i cili e udhëzoi Juve në një titull të gjashtë të radhës Serie A dhe arriti 600 minuta Champions League pa pranuar një gol. Italiani 39-vjeçar u shpall portieri më i mirë, ndërsa Lieke Martens u zgjodh futbollistja më e mirë, vlerësim për paraqitjen e Holandës në fitoren e Europianit. Mes golave spektakolarë të vitit FIFA zgjodhi rrjetën e Olivier Giroud si perlën që impresionoi tifozët.
Goditja me takë e sulmuesit francez në 1 janar të 2017 ndaj Cristal Palace, u vlerësua e denjë për Çmimin Pushkash. Përkrahësit e Celtit fituan çmimin e tifozëve, duke njohur festimet e tyre në maj për 50 vjetorin e klubit që fitoi Kupën Evropiane. Në një ceremoni të ndjekur nga lojtarët e Sir Alex Ferguson dhe Kenny Dalglish, tifozët mbanin kartat me ngjyrë që shkruan “Lions Lisbonës” në nder të triumfit të Celtic në vitin 1967 mbi Interin në kryeqytetin portugez.
