Që në ditën e parë pas inagurimit me dhjetra visitor nga Shkodra, qytete të tjera të Shqipërisë dhe të huaj vizituan muzeun kombëtar “Marubi”.
Drejtori Luçian Bedeni, bashkë me stafin e tij ndjehen të lumtur që tashmë dinastia “Marubi” doli në dritë me shtëpinë e re. Gjithçka në muzeun “Marubi” është konceptuar në mënyrë perfekte me katin e parë dhe të dytë që ofrojnë shumëçka për vizitorët. Jo vetëm që muzeut kombëtar “Marubi” nuk i mungon asgjë por një epokë e re sapo ka nisur rrugëtimin. Muzeu kombëtar “Marubi” do t’i japë Shkodrës dhe Shqipërisë një tjetër vlerë të madhe historike e kulturore duke e vënë në barazpeshë me vendet më të zhvilluara perëndimore duke u kthyer në një motor tërheqës zhvillimi.
