Memoriali i heroit tonë kombëtar Gjergj Kastrioti Skëndërbeu ku u mbajt me 2 mars 1444 Beslidhja e Lezhës, po tërheq vëmendjen e turistëve të shumtë.Pjesa më e madhe e vizitoreve janë shqiptaret e Kosovës, por nuk mungojnë as të huajt.Ata thonë se objekti që i përket shek. XIV i ka befasuar.
Përveç të huajve Memoriali është një ndalesë e dashur edhe për shqiptarët. Shumë prej tyre rikthehen aty për të disatën herë.
Sipas të dhënave zyrtare gjatë këtij sezoni veror memoriali i Gjergj Kastriotit në Lezhë është vizituar nga rreth 5 mijë përsona, por ky numer mund të ishte më i lartë nëse do kishte një vendparkim për mjete e turisteve, pasi sheshi kryesor i qytetit nuk shërben si i tillë gjatë muajve të veres.Duke parë fluksin e lartë të vizitoreve Bashkia Lezhë ka zgjatur orarin e shërbimit deri në oren 20:00 të mbrëmjes.
