Nuk mjafton çmimi stratosferik por edhe cilësia dhe sasia e asaj që shoferët blejnë çdo ditë, karburantin për makinat e tyre. Drejtuesit e mjeteve motorike shprehen të shqetësuar gjithmonë e më shumë për cilësinë skandaloze të karburanteve që tregtohen në Shqipëri.
Sikur të mos mjaftonte kjo cilësia e naftës bie në kundërshtim me çmimin e lartë me të cilin tregtohet.
Por ka edhe më shumë. Nuk janë të pakta rastet kur kompanitë, permes manipulimit të pompave,vjedhin sasi karburanti, shprehen qytetarët e intervistuar nga Star Plus, të cilët identifikojnë edhe kompanitë që abuzojnë më shumë.
Cilësia jo e mirë e naftës që shitet në Shqipëri jo vetëm që dëmton automjetet por është dhe një nga arsyet e ndotjes së ajrit në vend.
