Reshjet e dendura të shiut sollen sërish probleme në Lezhë.Disa zona të qytetit u përmbyten nga vërshimi i ujerave, ndërsa situata më e vështire ishte në lagjen “Skëndërbeg”. Katër familje u izoluan gjatë natës, pranë ures së vjeter, pasi niveli i uji arriti deri në 40 cm. Për situaten e krijuar banoret fajësojnë kompaninë që po ndërton Uren mbi Lumin Drin në këtë zonë, pasi prezenca e dherave ka bllokuar evadimin e ujerave.
Gjatë natës situatë e vështire ishte dhe në blloqet e banimit “11 janari” dhe “11.2 hektarë” të lagjes Besëlidhja .Niveli i ujit aty arriti deri në 40 cm duke bllokuar hyrjet e pallateve dhe vështiresuar lëvizjen e këmbësoreve dhe automjeteve.Me ndërprerjen e reshjeve të shiut uji është tërhequr, por duke lënë pas baltë dhe inerte.Qytetaret thonë se kjo është një situatë e përsëritur prej 30 vitesh, duke ju vështiresuar jetesen.
Në harkun kohor të 3 muajve Lezha është përmbytur disa herë dhe si zgjidhje e problemit shihet zbatimi i projektit të kanalizimeve të ujerave të bardha dhe të zeza, investim që pritet të nisë së shpejti me financim të Qeverisë Gjermane.
