Bashkia Shkodër ka dy firma të kontraktuara, ndësa mjetet janë në dispozicion në rrugën e Thethit, megjithatë Drejtoria e Emergjencave Civile ka detyruar institucionet të stopojnë punën për shkak të rrezikshmërisë, deri në një moment vlerësimi. Kjo është deklarata e Kryetares Voltana Ademi, e cila shton se në vitin e kaluar ndërhyrja në rrugën e Thethit ka qenë më e mirë se asnjëherë, pavarësisht se përgjegjësia kalon përtej pushtetit lokal.
Rrezikshmëri paraqet gjithashtu edhe rrugë e Dukagjinit, e cila në ditët e fundit ka pësuar shembje të herë pas hershme të shkëmbinjve. Edhe për këtë rast, Kryetarja Ademi shprehet se ka patur ndërhyrje për zgjidhjen e një pjese të problematikave, por buxheti i bashkisë nuk mund t’a përballoj.
Thethi vazhdon të jetë i bllokuar nga dëbora, përderisa ka patur edhe probleme me energjinë elektrike. Rruga e Thethit është kthyer në një sfidë të madhe për instancat shtetërore për hapjen gjatë periudhës së dimrit, për shkak të sasisë së madhe të dëborës.