UNICEF thotë se të paktën 96 fëmijë janë vrarë dhe më shumë se 220 të tjerë kanë mbetur të plagosur në Aleppo, gjatë pesë ditëve të fundit.
Justin Forsyth, Zv/Drejtor Ekzekutiv i OKB-së, thotë se një sulm ushtarak në zonat e mbajtura nga rebelët të qytetit verior sirian i ka lënë fëmijët “të bllokuar në një makth të gjallë.” “Nuk ka fjalë për të përshkruar dhimbjet që ata po kalojnë, ”thotë ai. Në një deklaratë të UNICEF-it të mërkurën, ai shtoi se tronditja dhe vuajtja e këtyre fëmijëve “është padyshim më e keqja që kemi parë.” Sipas UNICEF, sistemi shëndetësor në pjesën e kontrolluar nga rebelët është shkatërruar. Qyteti ka vetëm rreth 30 mjekë për një popullsi prej rreth 250,000 banorësh.
