Zhvillimi I vazhdueshëm I teknologjisë ka lënë pas shumë të moshuar të cilët nuk janë njohur me ndryshimet të cilat kanë ardhur si pasojë e digjitalizimit të transmetimeve televizive.
Gjyste Gavoçi është e moshuara 84 vjeçare nga Shkodra e cila tregon se nuk është njohur me këta ndryshime dhe me të ardhurat e saj nuk përballon shpenzime të tjera për blerjen e televizorit që tashmë I duhet për t’u përshtatur e ndryshimet e tjera.
E moshuara thotë se televizori është I vetmi që e shoqëron, pasi ajo jeton e vetme prej vitesh.
Mbështetja ndaj të moshuarve duhet të jetë më e madhe. Gjystja tregon se prej vitesh rropatet dyerve të gjykatave pasi pretendon se shteti po I merr edhe disa prona që familja e saj I trashëgon prej vitesh.
1 tetori shënon ditën botërore të moshës së tretë. Në Shqipëri, ndryshe nga shumë vende të tjera, vëmendja ndaj kësaj kategorie duhet të jetë më e shtuar për ofrimin e kushteve më optimal për jetesë.
