Dalja e ujërave të zeza në sipërfaqe ka alarmuar rreth 35 familje nga fshati Bleran i njësisë administrative Rrethina.
Uji që nxirret nga trumat fare pranë zonës së pallateve është bërë gjithnjë e më i papërdorshëm, ndërsa njësia administrative nuk i ka dhënë zgjidhje kësaj situate. Gjendja e 35 familjeve në këtë zonë është tejet problematike. Rreziku i përhapjes së epidemive është gjithnjë prezent, ndërsa kërkesat e dhjetëra banorëve nuk po gjejnë zgjidhje prej 1 viti.