Pas dy ditve ka përfunduar kampionati universitar mes fakulteteve të universitetit “Luigj Gurakuqi” në Shkodër. Pas një sërë ndeshjesh të luajtura ekipi i vajzave në volejboll dhe ai i djemve në basketboll i fakultetit të edukimit fizik u shpallën fitues ndërkohë që vendin e parë në minifutboll për djem e fitoj fakultetit i shkencave natyrore.
Ky aktivitet sportiv është një risi për universitetin e Shkodrës dhe sipas rektores së universitetit të Shkodrës Suzana Golemi kampionati do të kthehet në një traditë.
Rektoria e universitetit ka një falenderim për studentët si dhe organizatorët e këtij kampionati.
Për presidentin e federates Shqiptare të Sportit Universitar Besnik Veliu kampionati që Universiteti i Shkodrës zhvilloi këto dy ditë është shëmbulli i duhur që duhet të marrin të gjithë universitetet e vendit.
Ky aktivitet u zhvillua në kuadër të krijimit për herë të parë të shoqatës Sportive të universitetit të Shkodrës “Luigj Gurakuqi” dhe në kuadër të festave të 28 dhe 29 nëntorit.
