Rruga e varrezave në Beltojë të njësisë Bërdicë është rikonstruktuar. Dy muaj më parë nisën punimet për përmirësimin e atij aksi.
Kryetarja e bashkisë Shkodër Voltana Ademi e pranishme në inagurimin e rikonstruksionit tha se Bërdica do t’i nënshtrohet edhe disa investimeve të tjera.
Administratori i njësisë Bërdicë Aleksandër Pashuku u shpreh se rikonstruksioni i rrugës së varrezave në Beltojë është një premtim i mbajtur.
Anëtari i Këshillit Bashkiak të Shkodrës Isuf Meta tha se ndërhyrja në këtë segment rrugor ka qenë e domosdoshme.
Edhe banorët e fshatit Beltojë vlerësojnë këtë investim.
Janë rreth 550 metër rrugë me një vlerë rreth 7 milionë lekë, një investim ky që është përcaktuar si prioritet nga vetë banorët e zonës.
