Një tjetër impiant modern pritet ti shtohet infrastrukturës së futbollit shqiptar në tërësi dhe klubit të Partizanit në veçanti.
Punimet në Kompleksin Sportiv dhe stadiumin e “FK Partizani” vijojnë me ritme të larta. Aktualisht po realizohet porta e hyrjes qendrore të kompleksit dhe stadiumit. Drejt përfundimit të plotë është sistemi qendror i kullimit të ujërave të stadiumit dhe gjithë kompleksit sportiv.
Janë prodhuar elementët konstruktivë metalikë për mbulimin e Tribunës B (përballë), ndërkohë po përfundon mbulimi tërësisht i tribunës qendrore. Vazhdojnë punimet për infrastrukturën e brendshme të ambienteve të tribunës qendrore. Ky impiant pritet të jetë gati në fund të këtij sezoni.