Mbi një mijë protestues janë nisur nga Shkodra drejt Tiranës për të marrë pjesë në protestën e zhvilluar në mbështetje të studentëve. Anëtarë të PD Shkodër por edhe qytetar të thjeshtë u nisën në mënyrë të organizuar me autobuzë por edhe mjete të tjera drejt kryeqytetit.

Para nisjes kryetari i PD Shkodër Xhevdet Amuli u shpreh se mbështetja ndaj studentëve është e domosdoshme dhe se kjo mbështetje e tyre nuk ka të bëjë me qëllimet politike por për të drejtat e të rinjve.

Kreu i PD Amuli deklaroi se përveç mbështetjes së studentëve Partia Demokratike ka edhe shumë arsye të tjera për të protestuar ndaj qeverisë dhe kryeministrit aktual.

Që një ditë më parë PD Shkodër u bëri thirrje qytetarëve që të marrin pjesë në këtë protest për të mbështetur studentëve.

Ndërkohë përveç protestuesve nga Shkodra që janë rreth 1 mijë, një organizim ka patur edhe në Malësinë e Madhe, Vau Dejës, Pukë dhe Fushë Arrës për protestën në Tiranë.

PUBLICITET