“Aleanca për Teatrin” ka mbërritur dhe në Shkodër pas Tiranës dhe Durrësit. Shkodra është qyteti i tretë në vend ku Aleanca ndalet për të mbledhur firma për rindërtimin e Teatrit Kombëtar siç ka qenë.
Regjisori Robert Budina gjatë fjalës së tij u shpreh se shembja e Teatrit Kombëtar është prova që demokracia në vend ka rënë.
“Ne jemi për gjuhën e kulturës, mençurisë dhe jo armës. Ka një sensibilizim në gjithë Europen jo vetëm në Shqipëri. I lumtur që kam ardhur në qytetin e demokracisë që kanë dhënë jetën martire dhe jo vetëm. Teatri Kombëtar ishte dëshmori i parë i rënies së demokracisë. Ta rikthejmë teatrin siç ishte. Kemi hapur një çeshtje juridike pasi shembi teatrin duke qenë artist brenda. Detyra jonë më e vështirë. Në teatër thuhen të vërtetat, Shkodra ka ruajtur me fanatizëm objektet e vjetra. Teatri “Migjeni”, teatri klasik.”
