Dita e sotme ishte mjaft emocionuese për shqiptarët, teksa në Hamburg u hodh shorti i Euro 2024. Kuqezinjtë e patën të pamundur të shmangin rivalët e fortë, teksa në një grup me ne janë Spanja, Italia dhe Kroacia.
Tashmë dihet që jemi në grupin B dhe janë mësuar edhe datat e ndeshjeve. Takimi i parë është planifikuar më 15 Qershor në Dortmund, ndaj Italisë. Më pas, “beteja” e dytë kuqezi do luhet më 19 qershor në Hamburg përballë Kroacisë. Ndeshja e fundit e grupeve, 23 qershor në Duseldorf, ku sfidojmë Spanjën.