Në universitetin e Shkodrës “Luigj Gurakuqi” janë zhvilluar zgjedhjet për kreun e ri të Këshillit Studentor. Mes 8 kandidatëve që garuan, në fund fitues me votat e studentëve u shpall Bendis Prendi me 400 vota, student i shkencave mjekësore në vitin e dytë të degës fizioterapi. Prendi pasi mori shumicën e votave falenderon studentët për votëbesimin ndaj tij.
Kreu i ri i Këshillit Studentor tregon se cilat janë objektivat kryesore të tij në këtë rol të rëndësishëm që ka marrë përsipër që kryesisht lidhen me përmirësimin e kushteve për studentët.
Në garën për kryetar të këshillit studentor Bendis Prendi kryeson listën me 400 vota ndërsa kandidatët e tjerë janë me një diferencë. Martin Shyti siguroi 233 vota, Loreta Çermeli 128, Klea Vujoshi 116, Admir Dahati 89, Fatjon Bengu 39, Alketa Filipi 26 dhe Migena Kroj 10 vota.
