Komisioni i ligjeve miraton nen për nen dhe në tërësi buxhetin e shtetit 2017. Presidentit i alokohet vetëm gjysma e kërkesës financiare.
Komisioni i Ligjeve shqyrtoi nen për nen dhe në tërësi buxhetin e shtetit për vitin 2017. Për institucionin e presidentit, ky komision vendosi të alokojë shifrën prej 10 milion lekësh, duke përgjysmuar kërkesën e artikuluar nga sekretari i përgjithshëm Florian Nuri vetëm 20 ditë më parë . Vetëm 20 ditë më parë ishte sekretari i përgjithshëm i institucionit të presidentit Florian Nuri, i cili i thirrur pranë komisionit të ligjeve artikuloi kërkesat e institucionit që përfaqëson lidhur me buxhetin e vitit të ardhshëm. Pas miratimit në seancën plenare të buxhetit 2017 në parim, ditën e martë komisioni i ligjeve përmes relatorit Dashamir Peza, artikuloi edhe fondet e alokuara për cdo institucion, përfshi atë të Bujar Nishanit. Gjatë seancës dëgjimore të 16 nëntorit me sekretarin e përgjithshëm Florian Nuri, ishin deputetët Eduart Halimi nga demokratët por edhe Petrit Vasili i Lëvizjes Socialiste për Integrim, të cilët kërkesën financiare prej 20 milion lekësh të presidentit, e konsideruan si modeste deri në pikën sa sduhet të ketë nevojë për debat. Gjatë votimit në tërësi të buxhetit 2017, i cili i alokoi vetëm gjysmën e kërkesës së saj Presidencës, komisioni i ligjeve pa dy vota kundër ditën e martë. Ajo që ra në sy ishte se, një prej tyre nuk ishte zv.kryetari i LSI Petrit Vasili, mbështetës, me sa duket vetëm në retorikë, i kërkesës së kreut të shtetit Bujar Nishani. Për Presidentin Nishani, përsëritja e kërkesave por edhe mohimi i tyre, lidhur me shifrën që do të mundësonte një funksionim efektiv të institucionit, mund të marrë përgjigje edhe përmes rrugëve të tjera institucionale, si Gjykata Kushtetuese.
