Nga 73 mijë lekë të reja deri në 1 milion të reja, janë pagat e personazheve të njohur të showbizz-it të publikuara sot në media dhe të shpërndara në rrjetet sociale.

Nuk dihet se si këto të dhëna janë zbuluar, por lajmi ka ngjallur kuriozitet të madh, sidomos për një pjesë të njohur të personazheve publike. Në listën e mëposhtme shihet se personazhi më pak i paguar është Inis Gjoni dhe më i paguari rezulton Turjan Hysko.

Pas publikimit të të dhënave, Ministria e Financave dhe Ekonomisë ka deklaruar se do të depozitojë një kallëzim penal në prokurori për zbardhjen e kësaj ngjarje.