Edhe pse prej një viti qytetarët shkodranë po përballen me pandeminë COVID-19, duket se u mungon ndërgjegjësimi në lidhje me ruajtjen e distancës fizike dhe frenimin e përhapjes së mëtejshme të këtij infeksioni.
Gjendja që krijohet në Merkatën e Rusit është e ngjashme edhe me tregun e fruta- perimeve në Zdrale. Qytetarët thonë se infektimi nga koronavirusi I frikëson, ndërsa kërkojnë të merren masa për ata persona të cilët lëvizin pa maska dhe nuk ruajnë distancën në treg.
Ata kërkojnë që të merren masa edhe për rivendosjen e tuneleve të dezinfektimit të cilat u dëmtuan nga stuhia e pak muajve më parë dhe më pas u hoqën nga bashkia Shkodër.
Pavarësisht situatës tejet problematike të krijuar në tregjet e fruta – perimeve prej kohësh mungon ndërhyrja e institucioneve përgjegjegjëse për ndalimin e grumbullimeve dhe distacimin fizik mes qytetarëve.
Në një situatë të tillë, tregjet mbeten një nga vatrat më të rrezikshme të koronavirusit në Shkodër.