Tragjedia në Fushë-Arrëz, ku humbën jetën nëna me dy vajzat e saj, i ka tronditur të gjithë. Të shumta janë mesazhet e ngushëllimit të shpërndara në rrjetet sociale nga të afërm dhe miq të familjes.
Edhe një prej pedagogëve të 18-vjeçares që humbi jetën tragjikisht, shkruan se kjo ikje i ka trishtuar pa masë. Bislim Ahmetaj shkruan se Sidorela Kola e donte jetën dhe dijen, por varfëria ia ndaloi këto pasione.
Statusi i plotë:
Sot Fakulteti ku unë jap mësim prej 10 vitesh ishte në zi.
Sidorela që humbi jetën dje aksidentalisht bashkë me të ëmën dhe motrën e saj në Fushë-Arrëz ishte studentja jonë.
Na trishtoi pa masë ikja e saj tragjike.
Ajo e donte jetën dhe dijen, por varfëria ja ndali këto dy pasione.
Pushofsh në parajsë Sidorela
