VENDI

Temperaturat e larta kanë bërë të vetën dhe ashtu siç paralajmëruan Emergjencat Civile rritet rreziku i zjarreve. Dy vatra zjarri janë shfaqur në Fier dhe Elbasan, ku flakët kanë përfshirë shkurre, fera dhe ullishte në fshatin Dragot të Belshit.

Prokuroria e Vlorës ka kërkuar 9 vjet burg për Shpëtim Gjikën, në akuzën e shpërdorimit të detyrës. Hetimet ndaj ish kreut të bashkisë së Vlorës kanë nisur që në vitin 2015, në akuzat e ndërtimit të paligjshëm dhe falsifikimit të dokumenteve.

Agjencia britanike e Luftës kundër krimit, NCA, në raportin e saj të fundit shpreh shqetësimin se grupet kriminale shqiptare të dhunshme kanë rritur në mënyrë të konsiderueshme kontrollin e tyre në tregun britanik të trafikimit të drogës dhe veçanërisht të kokainës.

Rikthehet në krye të OSHEE, Adrian Çela. Këshilli Mbikëqyrës i Operatorit të Shpërndarjes së Energjisë Elektrike mori sot vendimin për lirimin e Haki Mustafës nga detyra e administratorit të shoqërisë OSHEE sh.a.

Presidenti i Republikës, Bujar Nishani, ka marrë një mesazh falënderimi nga Presidenti i Republikës Franceze, Emmanuel Macron, përmes të cilit vlerëson punën e Nishanit gjatë mandatit si President. Macron shpreh bindjen tek mundësitë e Shqipërisë për të vazhduar më tej reformat.

Të dhënat e fundit nga Komisioni Qendror i Zgjedhjeve tregojnë se deri në orën 7:30 të së martës janë numëruar 5.112 kuti nga 5.362 gjithësej.

Janë disa uebsajte ministrish, por edhe institucionesh të tjera shtetërore, të cilat kanë dalë jashtë funksioni dhe deri më tani vijojnë të mos hapen.

Drejtori i Policisë së Shtetit deklaron se janë marrë të gjitha masat për mbarëvajtjen e procesit zgjedhor.

Mesnata e së premtes shënoi fundin e fushatës dhe nisjen e heshtjes zgjedhore. Një ditë përpara zgjedhjeve, ligji, konkretisht Kodi Zgjedhor, ndalon çdo parti të bëjë fushatë apo propagandë drejtuar zgjedhësve. Vetëm administruesit e procesit të certifikuar nga KQZ janë në detyrë në ditën e heshtjes zgjedhore për të bërë shpërndarjen e materialeve dhe fletëve të votimit në qendrat e votimit.

Defekt në avion, anulohet fluturimi nga Rinasi në Firenze