Argjinatura për të cilën është investuar në fshatin Shirq të ish-komunës Dajç nuk ka një fond për mirëmbajtjen e saj dhe ky është një problem që duhet të gjejë një zgjidhje nga ana e ministrisë së bujqësisë.
Administratori i Dajçit Gjovalin Darragjati thotë se mungesa e fondit për ta mirëmbajtur argjinaturën është shqetësuese.Megjithë investimin që është bërë për argjinaturën e Shirqit, në rast të përmbytjeve nëse shkarkimet nga hidrocentralet kalojnë kuotën 2200m3/s duke shtuar edhe prurjet nga reshjet e shiut atëherë Dajçi shprehet administrator Darragjati rrezikon ndjeshëm.Rreth 2 javë më parë i pranishëm për të parë argjinaturën në Dajç ishte vetë ministri i bujqësisë Edmond Panariti i cili është njohur me shqetësimet e administratorit Darragjati dhe tashmë pritet për t’u parë nëse do akordohet një fond për mirëmbajtjen.
