Moti në Shqipëri do të karakterizohet nga kthjellime dhe temperatura të larta, situatë e cila vijon deri pasdite kur në gjysmën lindore të vendit shfaqen vranësira kalimtare, sipas meteoAlb. Ndërsa bregdeti vijon me kthjellime. Parashikohet qe moti i nxehtë të mbetet edhe gjatë natës.

Temperaturat e ajrit rriten sërisht në mëngjes por edhe në mesditë duke luhatur vlerat ditore nga 18°C deri në 41°C.

Era do fryjë mesatare dhe e fortë me shpejtësi deri 40 km/h, nga drejtimi Veriperëndimor ndërsa në det të hapur krijohet dallgëzim mbi 3 ballë.

Vijon Rajoni i Mesdheut në ndikimin e motit të kthjellët dhe të nxehtë. Po ashtu me kthjellime dhe vranësira kalimtare paraqitet Lindja Kontinentit. Ndërsa vranësira, rrebeshe shiu dhe stuhi afatshkurtra do ketë Qëndra dhe Europa Veriore.