Ky është muzeu historik dhe kulturor i Thethit në Dukagjin. I shpallur monument kulture që në vitin 1972, 30 vitet e fundit ky muze ka degraduar plotësisht. Dedë Boshi, i cili e ka trashëgim nga të parët këtë objekt të rëndësishëm mbi 300 vjeçar vitet e fundit është rikthyer në Theth duke u munduar që ta mirëmbajë ai vetë si dhe duke e pasuruar edhe me objektet shekullore që kanë një vlerë të madhe sa i përket trashëgimisë kulturore. Kjo ndërtesë ka shërbyer edhe për banim gjithashtu si kullë vrojtimi ndaj armiqve por edhe si kullë ngujimi…..
Mirëmbajtësi i muzeut të Dukagjinit në Theth tregon edhe disa prej objekteve të trashëgimisë që ai vetë ka arritur t’i sigurojë dhe përse kanë shërbyer…
Institucionet shtetërore e kanë lënë tërësisht në harresë muzeun e trashëgimisë kulturore në Theth në këto 30 vite duke mos patur asnjë projekt për restaurim apo edhe pasurimin e tij. Kati i dytë ka degraduar plotësisht…
Në fund mirëmbajtësi i muzeut në Theth që dikur ka banuar aty bashkë me familjen e tij ka një thirrje për gjithë shqiptarët por edhe turistët e huaj…
Aktualisht muzeu i trashëgimisë kulturore në Theth nuk ka një numër edhe aq të lartë vizitorësh kjo për faktin se është lënë plotësisht në hije nga institucionet qoftë sa i përket investimeve por edhe promovimit të tij edhe pse mbart prej shekujsh një histori të pasur shqiptare plot tradita dhe kulturë.
