KRONIKE

Rojet bregdetare greke kanë konfiskuar pak ditë më parë një transportues që mbante eksploziv. Anija me flamur të Tanzanisë është ndaluar në portin Iraklion të Kretës më 6 janar ndërsa sot do të dalin për verifikim të masës së sigurisë anëtarët e ekuipazhit: 5 indianë, dy ukrainas dhe një shqiptar.

Ushtroi dhunë psikologjike ndaj 13 vjeçares procedohet penalisht një 24 vjeçar nga Lezha.

Dy të rinj në qytetin e Vlorës janë arrestuar nga policia pasi janë kapur duke drejtuar mjetet e tyre në mënyrë të parregullt. Policia bën me dje se dy të arrestuarit janë të moshës 19 ¬vjeçeare dhe kanë thyer rregullat e qarkullimit.

Një 42-vjeçar është vënë në pranga pasi ishte shpallur në kërkim ndërkombëtar nga Interpol Roma. Burime zyrtare nga Policia e Lezhës kanë bërë të ditur se është vënë në pranga Danjel (Artan) Lleshi, 42 vjeç, banues në Kurbin.

Një aksident i rëndë rrugor rezultoi fatal për një grua shqiptare, e cila vdiq në vend kur makina BMW e drejtuar nga burri i saj u përplas me një kamion, në Pieve San Giacomo, Cremona. Aksidenti ndodhi në kryqëzimin i cilësuar si “i mallkuar” në Gozzo, ku kanë ndodhur edhe më parë përplasje fatale.

Prokuroria nuk ka paraqitur rekurs në Gjykatën e Lartë për dosjen “Xibraka”. Tashmë ka kaluar afati prej 45 ditësh për paraqitjen e rekursit për dosjen “Xibraka”. Nëntë të pandehurit janë dënuar vetëm për akuzën e prodhimit të lëndëve narkotike.

Një 40 vjeçar banues në Kamëz është autori i vjedhjes së pesë makinave brenda dhjetorit në qytetin e Tiranës. Arrestimi i Blerim Meshit u bë pasi "më datë 10.01.2018, rreth orës 00:45, në rrugën e “Xhanfize Keko”, u kap duke tentuar të vjedhë xhamin e pasqyrës së mjetit të tipit “Benz”, në pronësi të shtetasit L. K., 47 vjeç, banues në Tiranë.

Një 22-vjeçar në Divjakë është arrestuar nga policia pasi ka tentuar të vrasë një vajzë 14-vjeçare. Sipas njoftimit të policisë, Bajram Krasniqi, ka qëlluar me armë zjarri automatike në drejtim të një shtetaseje 14 vjeçe e cila nuk ka pësuar dëmtime.

Një 52 vjeçar është arrestuar nga policia e Krujës, i dyshuar si autor i vënies së eksplozivit në një dyqan mishi me 11 nëntor të 2017. Policia ka arrestuar shtetasin Ymer Hidri, banues në Krujë.

Familja e dy motrave Alma dhe Elda Frroku të vrara në Zvicër nga bashkëshorti kosovar i të parës, kanë çelur dyert e mortit dhe presin ngushëllime në Lezhë. Disa prej tyre kanë udhëtuar drejt Zvicrës për të tërhequr trupat, ndërsa të tjerët ne Lezhë jashtë kamera thonë se nuk i dinë arsyet e krimit tronditës.