BOTA

Një pilot indonezian është pezulluar, pasi dyshohet se ka shkuar në gjendje të dehur në punë.

Ka përfunduar në një lumë gjaku revolta e shpërthyer në një burg të Brazilit. Pas inspektimeve të bëra nga forcat e rendit ne burgun e Manausit, rreth 60 persona rezultojnë te vrarë.

Një burrë është arrestuar nga policia australiane në Sidnei, pasi dyshohet se vepronte si agjent ekonominë për Korenë e Veriut. Chan Han Choi, 59 vjeç, është akuzuar për ndërmjetësimin e eksporteve ilegale nga vendi dhe për të diskutuar furnizimin me armë të shkatërrimit në masë.

Pentagoni thotë se liderët e grupit ekstremist, Shteti Islamik kanë filluar të arratisen nga qyteti sirian Raka derisa luftëtarët kurdë që e kanë mbështetjen amerikane kanë shtuar sulmet ndaj caqeve të IS-it në këtë qytet.

Kleriku mysliman në mërgim Fetullah Gylen i akuzuar nga Turqia se ka orkestruar grushtin e dështuar të shtetit në korrik 2016, akuzon Presidentin turk Rexhep Tajip Erdogan se kërkojë që t’u mbyllë gojën kritikëve.

Liderët e Bashkimit Evropian gjatë ditës në Bruksel fillojnë samitin e tyre të parë, pasi në Britani është votuar për largim nga BE-ja.