SPORT

Vetëm dy javë para fillimit të kampionatit të ri, Vllaznia është e paplotësuar. Aktualisht skuadra ka në përbërje të saj 24 futbollistë, por shumica e tyre janë të rinj dhe nuk japin garancinë e duhur për stafin teknik. Trajneri Zmijani në çdo deklaratë të tij ka thënë se pret ende përforcime nga merkatoja. Këtë gjë ka paralajmëruar edhe administratori Kalamishi, i cili vetëm pak ditë më parë deklaronte se do të vinin edhe 3-4 futbollistë të tjerë.

Dianamo i Zagrebit është kundërshtari i Skënderbeut në fazën “play-off” të Champions League. Kampionët korçarë kanë mësuar në këtë mënyrë rivalin e fundit për të përcaktuar një biletë në fazën e grupeve në trofeun më të rëndësishëm në rang klubesh. “Ekipi kroat është një kundërshtar i cili mund të shihet si favorit”, u shpreh menjëherë pas shortit Mirel Josa. Me të drejtë, trajneri i Skënderbeut vlerëson Dinamon e Zagrebit si një rival me shumë histori në futbollin Evropian.

E ardhmja e Vllaznisë e cila u bë një temë shumë e gjatë diskutimit gjatë këtyre ditëve duket se do të jetë sërish mes dy ujërave. Pas bërjes publike se Safet Gjici shprehu dëshirën për të marrë presidencën e ekipit shkodranë, tifozët kuqeblu vërshuan në rrjetin social facebook, duke i këruar Bashkisë së Shkodrës që të ia dorëzojë ekipin. Por një bisedës që kryetarja e re e Bashkisë Voltana Ademi, realizoi me tifozët ka bërë që situata të qetësohet disi.

Vllaznia e ka nisur me fitore serinë e takimeve miqësore që po zhvillon në përgatitoren e Sllovenisë. Në përballjen ndaj ekipit vendas Dravograd, ajo ka arritur të fitojë me rezultatin 4-2. Kuptohet, niveli i kundërshtarit nuk ka qenë shumë i lartë, ngaqë ai merr pjesë në ligën e tretë të këtij vendi, megjithatë, e rëndësishme është u zhvillua një përballje, e cila do ta ndihmojë stafin teknik për të parë nga afër gjendjen e skuadrës.

Skënderbeu hyn në histori. Skuadra korçare bëhet e para në Shqipëri që kualifikohet në fazën e “play-off”-it të Ligës së Kampioneve, por edhe direkt në fazën e grupeve të Ligës së Europës. Ka mundur dy herë, me të njëjtin rezultat, 2-0, Milsamin në turin e tretë kualifikues dhe tashmë pret kundërshtarin e radhës. Më të vështirë, kuptohet, por me bindjen për të mos u zgjuar nga kjo ëndërr e bukur.

Ekipi i Vllaznia nga data 3 Gusht është vendosur në Slloveni në qytetin e Dravogradit në Slloveni. Sigurisht mungesa e pamjeve filmike bën që skuadra të jetë në një qetësi plotë e ndërsa tifozët të mbeten të pa informuar me fazën po realizohet atje. I vetmi që po pasqyron disa fragmente të ekipit në Slloveni është fizioterapisti Ilirjan Haxhaja që vazhdimisht poston foto në rrjetin social Facebook gjatë stërvitjes së ekipit.

Kryetarja e re e Bashkisë së Shkodrës Voltana Ademi, ndonse akoma nuk ka filluar zyrtarisht punën, ka gjetur një mënyrë më të shpejtë për të folur drejtpërdrejtë me tifozët e Vllaznisë. Pas shumë diskutimeve në lidhje me të ardhmen e ekipit, tifozët shkodranë kanë gjetur një gadishmëri të Ademit për të folur në rrjetin social Facebook. Star Plus ka arritur të sigurojë bisedës e realizuar mes dy palëve ku lëshohet dritë në qëndrimin që do të mbajë vetë Ademi. Sigurisht biseda e parë është se çfarë do të bëjë ajo për Vllazninë.

Skënderbeu ka fituar edhe ndeshjen e kthimit të turit të tretë të Ligës së Kampionëve ndaj Milsamit, duke bërë historinë, pasi në sezonin e ardhshëm, përpos kampionatit shqiptar, korçarët do të luajnë edhe në njërin prej kompeticioneve europiane. Kampionët e Shqipërisë fillimisht do të luajnë dy ndeshjet e “play-off”-it dhe në rast se kalojnë edhe këtë fazë, atëherë janë në grupet e Championsit, në të kundërtën do të luajnë në grupet e Europa League.

Dita e enjte mund të jetë ditë historike për Shqipërinë. Për herë të parë kombëtarja jonë do të jetë në vendin e 22-të të renditjes së FIFA-s. Fitorja e fundit me Francën dhe pikët e fundit në tavolinë që morëm nga ndeshja me Serbinë, na fluturojnë kuqezinjtë e drejtuar nga Xhani De Biazi mes 22 skuadrave më të mira të Botës. 14 vende kapërcim nga pozicioni i 36-të në atë të 22-të pritet të bëjë nesër zyrtarisht kombëtarja shqiptare.

Tërbuni i Pukës pavarësisht se merr pjesë për herë të parë në kategorinë superiore, synon të surprizojë të gjithë kundërshtarët e pse jo të pretendojë mesin e artë të renditjes. Këtë e ka shprehur trajneri shkodran Samuel Nikaj që mori drejtimin e ekipit disa kohë më parë. Në një prononcim të tij për Star Plus, Nikaj thekson se me punën e merkaton që po realizohet, pukjanët nuk do të jenë një ekip i lehtë për t’u mundur.