AKTUALITET

SHËMBJA E URËS, DETYRON BANORËT TË PËRBALLEN ME VËSHTIRËSI.Reshjet e shiut kanë dëmtuar tre ura në Mat, duke lënë të izoluar banorët e rreth 9 fshatrave, dy komunave Baz e Komsi. Por nevojat emergjente të jetës së përditshme i detyrojnë banorët e këtyre fshatrave të vënë në rrezik jetën e tyre, duke gjetur çdo lloj mënyre për të kaluar nëpër këto ura.

VIJON VJEDHJA E TRASEVE NË QARKUN E SHKODRËS. Vjedhja per skrap e shinave te trenit vijon te jete prezent ne territorin e Qarkut te Shkodres, por kesaj radhe, grabitësit kane rene ne prangat e policisë se Shkodres.

DRKK, KISHTE PARALAJMËRUAR NJË SITUATË TË TILLË MUAJ MË PARË. Reshjet e dendura të një nate më parë kanë paraqitur probleme në Shkodër, e veçanërisht në zonën e NënShkodrës.

ME 29 NËNTOR PRITET TË VENDOSË KURORA KRYEMINISTRI EDI RAMA. Pas lyerjes e riparimit, busti i “5 Heronjve të Vigut” do të vendoset në rrethrrotullimin në afërsi të doganës në rrugën Shkodër – Hani i Hotit, territor i Komunës Rrethina.

TAHIRI: KJO SITUATË, RRJEDHOJË E POLITIKËS SË DJESHME.Shtabet e Emergjencave Civile janë mbledhur në qarkun e Lezhës, ndërsa atje ndodhen edhe forcat e ushtrisë, policisë dhe emergjencat civile. Ministri i Brendshëm Saimir Tahiri takoi zyrtaret e qarkut për të diskutuar marrjen e masave dhe daljen sa më parë nga kjo situatë që ka përfshirë shumë qytete të vendit, por sidomos qarkun e Lezhës, që është edhe më i godituri nga kjo fatkeqësi natyrore. 

PAS PROTESTËS RIKTHEHET NË DETYRË DREJTORJA E “28-NËNTORIT”. Ministria e Arsimit rikthen ne postin e drejtores se shkolles se mesme 28-Nentori Albana Bushatin, pas protestes dhe bojkotit te mesimit te dites se marte ku rreth 700 nxenes te kesaj shkolle protestuan kunder vendimit per shkarkimin e drejtores Bushati dhe rikthimin e saj ne kete post duket se kerkesa e tyre nuk ka rene ne vesh te shurdher.

DREJTORI I INSPEKTORIATIT TË MJEDISIT FLET PËR MURET E PRISHURA NË “MARK LULA”. 

SHKRESA ZYRTARE DETYRON BASHKINË TË SHEMB MURET QË KISHIN ZËNË PUSETAT .Ujrat e zeza dhe pellgjet që krijohen pas reshjeve të shiut nuk do të jenë më problem për 2 pallatet e vjetra dhe zonën aty përreth në lagjen “Mar Lula” në rrugën “Gjon Buzuku”. Inspektoriati shtetëror i mjedisit ka detyruar Bashkinë Shkodër që të rrëzojë disa mure shtesë të ndërtuara pa leje gjatë këtyre viteve pas pallateve.