POLITIKE

Takime të shumta janë mbajtur këto dy ditë në Tiranë me ekspertë të FBI-së dhe DEA-së në kuadër të operacionit "Forca e Ligjit". E deklaroi ministri i Brendshëm Fatmir Xhafaj gjatë fjalës që mbajti në Kuvend paraditen e sotme.

Debati në Kuvend lidhur me votën në OKB për Jeruzalemin. Deputeti i PD-së, Sali Berisha deklaron se vota në OKB ishte kundër interesit shqiptar.

Sali Berisha: "Ta dënojmë me forcë sikundër Shqipëria duhet të konsiderojë dhe qëndrimin ndaj Jeruzalemit". Shqipëria nuk do të nëhet kurrë shtojcën e sigurisë në politikën e sigurisë globale Edi Rama: Sot kërkoni shpëtimin në Lindjen e Mesme. Sa të jetë kjo parti në qeveri nuk keni asnjë shans që ky vend të mbetet pa drejtësi. Jeni gati të bëheni çifutë, eskimezë, dele e zezë e të fshiheni pas një identiteti tjetër e të mos ju kapin. Qohesh këtu e thua 21 janari, fjalën e parë. S'është rastësi gjuha shkon atje ku të dhëmb dhëmbi. Po ty të dhëmb tjetër vend dhe atë vend gjuha nuk ta lan dot.

Është shoqëruar me debate seanca plenare, teksa si pikë diskutimi është vota e qeverisë në OKB për Jeruzalemin. Ministri i Jashtëm, Ditmir Bushati, është përplasur me kreun e PD, Lulzim Basha, një debat që ka përfunduar në fyerje. Ka qenë Basha që e ka quajtur të paaftë ministrin Bushati, duke i kërkuar të mos këpusë broçkulla në foltoren e Kuvendit.

Gjatë seancës së sotme të Kuvendit, Ministri për Europën dhe Punët e Jashtme, Ditmir Bushati Ditmir Bushati tha se janë katër arsyet pse Shqipëria votoi në Kombet e Bashkuara në favor të rezolutës që hedh poshtë vendimin amerikan për të njohur Jeruzalemin si kryeqytet të Izraelit dhe për të lëvizur atje ambasadën e SHBA.

Presidenti Ilir Meta ka reaguar ndaj deklaratave të homologut të tij grek, i cili konsideron të pakuptimtë shtrimin e çështjes çame nga Shqipëria në kohën kur kërkohet perspektiva evropiane. Në një intervistë për "Albanian Daily News" Meta thotë se qëndrimet e tij nuk sjellin energji pozitive.

Meta: Pavlopulos jo ne sintoni me Bushatin e Kotzias. Deklaratat e tij nuk i pergjigjen partneritetit. Te ruajme qetesine dhe respektin reciprok. Pavlopulos ka deklaruar se “është e pakuptimtë që udhëheqja e Shqipërisë të shtrojë çështjen e Çamërisë”, dhe ka shtuar që “nëse Shqipëria dëshiron të ketë perspektivë europiane, më mirë të mos kujtojë se çfarë konsiston historia e të ashtuquajturve çamë gjatë mizorisë naziste në Greqi”.

Parlamenti do të votojë sot listën e tretë e emrave për anëtarë të Këshillit të Lartë Gjyqësor dhe atij të Prokurorisë. Komisioni i Ligjeve ka zgjedhur me short 10 emra të cilët duhet të kalojnë në seancën e kuvendit. Ndryshe nga dy seancat e shkuara, kandidatët konsiderohen automatikisht të emëruar në seancë duke krijuar kështu dy institucionet e reja të drejtësisë.

Ministri i Energjisë, Damian Gjiknuri gjatë vizitës në SHBA, ka zhvilluar një takim të shkurtër edhe me Herbert Raymond McMaster, këshilltarin e Presidentit Trump për sigurinë kombëtare. Ministri thotë se SHBA rikonfirmon mbështetjen për Shqipërinë. “SHBA rikonfirmon mbështetjen për Shqipërinë dhe rolin e saj në projektet e mëdha që garantojnë rritjen e sigurisë energjetike në rajon dhe më gjerë. Konsolidim i aleancës strategjike Shqipëri-SHBA për adresimin e përbashkët të sfidave të sigurisë” shkruan ministri në faqen e tij në Facebook.

Eurodeputeti Knut Flenckestein shprehet se Shqipëria ka bërë progres për hapjen e negociatave me Bashkimin Europian, ndërsa mirëpret vendimin final. “Ne duam të hapin negociatat me Shqipërinë dhe Maqedoninë këtë vit.

Qeveria miraton pr/ligjin “Për vlerësimin kalimtar të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat”, i njohur si Vetting-u. Procesit do ti nënshtrohen rreth 13,000 punonjës.