SPORT

“Vllaznia mund të penalizohet për shkak të borxheve të prapambetura për disa lojtarë”. Ky është alarmi që jep drejtori sportiv i Vllaznisë Armir Grima pak ditë pasi dha dorëheqjen në rolin e trajnerit në detyrë. Grima ka folur për gazetën “Sot Sport” duke rrëfyer situatën alarmante në klubin shkodran.

Kapiteni i Kombëtares shqiptare, Lorik Cana, shihet si njëri prej yjeve që do të jenë në Europianin e Francës verën e ardhshme. Në një artikull të veçantë në faqen e saj zyrtare, UEFA e cilëson 32-vjeçarin si lojtarin më të rëndësishëm të Shqipërisë.

Gazeta britanike “The Guardian” ka zgjedhur Leo Messin si futbollistin më të mirë në botë për vitin 2015. Për herë të parë, lojtari nr.1 i botës ndiqet në katërshen kryesuese nga dy sulmues të tjerë të po të njëjtës skuadër.

E ardhmja e Jose Mourinhos duket se ka pushtuar të gjitha mediat ndërkombëtare. Pas Manchester United në skenë ka dalë sërish Reali I Madridit, duekt e pabesueshme , por sipas emitentit të njohur spanjoll mediaste espana, presdienti I merngueve Florentino Perez po mendon t’ia dorëzojë sërish celsat e skuadrës teknikut portugez.

“Calciomercato.it” po organizon një votim me lexuesit e vet, në lidhje me formacionin më të mirë të Seria A, këtë edicion. Natyrisht, për çdo pozicion, janë futur në sondazh nga katër lojtarë, të cilët po votohen. Më i votuari do të përfshihet si më i miri në rolin përkatës.

Ashtu siç kishte premtuar Armir Grima i jep lamtumirën Vllaznisë si trajner në detyrë. Grima këtë deklaratë e bëri menjëherë pas ndeshjes me Bylisin ku kuqeblutë fituan me rezultatin 3-2. Përgjegjësit duhet që të afrohen tek Vllaznia dhe ta mbështesin tha Grima pas lënies së detyrës si trajner, një deklaratë e ripërsëritur disa herë nga ana e tij.

Me shumë vështirësi Vllaznia ka arritur që të fitojë 3-2 ndaj Bylisit në ndeshjen që luhej thuajse për mbijetesën në Superligë. Ndonëse kishin avantazhin e tre golave, kuqeblutë janë vënë nën presion nga kundërshtari duke pësuar dy gola të shpejtë në fund të lojës e madje duke rrezikuar që ndeshja të barazohej nga ballshiotët. Gjithçka nis mirë për Vllaznisë e cila që në minutën e 2-të kalon në avantazh me një gol të realizuar me kokë nga Shtubina. Shkodranët gjejnë qetësinë në minutën e 36-të me një supergol të shënuar nga sulmuesi Çinari pas një refushate të ekzekutuar në mënyrë perfekte. Në pushimin mes dy pjesëve Vllaznia shkon me avantazhin e dy golave.

Vllaznia në basketboll për femra është skuadra për t’u mundur. Kjo skuadër ka marrë fitoren e 5-të radhazi në kampionat duke e mbyllur në mënyrën më të mirë këtë vit. Vajzat shkodrane në një ndeshje tejet të vështirë kanë arritur të fitojnë përballë ekipit të Skenderbeut në sfidën që u luajt në pallatin e sportit “Qazim Dervishi”. Është një rritje gati spektakolare e Vllaznisë e cila pa frikë gradualisht po futet në vallen e pretendenteve.

Vllaznia thuajse ka siguruar fitoren në ndeshjen që po zhvillohet ndaj Bylisit. Pjesa e parë është mbyllur me rezultatin 2-0 në favor të shkodranëve. Vllaznia ka kaluar shumë shpejt në avantazh me anë të Shtubinës që në minutën e 2-të pas një goli të shënuar me kokë.

Ish-futbollisti i Vllaznisë Selman Cukali është ndarë nga jeta në moshën 70-vjeçare teksa ndodhej në Amerikë prej shumë vitesh. Cukali ka luajtur disa vite me Vllazninë në një prej periudhave të arta bashkë me emra si Ramazan Rragami e Sabah Bizi.